Mostrando entradas con la etiqueta 24-25. Mostrar todas las entradas
Mostrando entradas con la etiqueta 24-25. Mostrar todas las entradas

11 agosto 2025

Ordiziako festetan paleta larruzko finalak

 Uztailak 25ean jokatu ziren larruzko paletako 5 final.

Etorkizunekoen mailako partida estu joan zen. 30-25eko emaitzaz Telmo Martin zumaiarrake ta Aner Rekondo hernaniarrak jantzi zuten txapela. Telmo Carballo zumaiarrak eta Aritz Maiora olaberriarrak gogor saiatu arren, ezin izan zien Aner atzelariaren joari eutsi.


Emakumezkoetan partida ez zen nahi bezain orekatua izan. Beste konpromezu batzuk tarteko ezin izan zen finalean azaldu Miren Larrarte bidaniarra eta zuzendaritzak Uxue Olano altzotarraren aldeko apostua egin zuen, Amaia Irazustabarrena hernaniarra eta Nagore Murua altzotarrarren aurka egiteko. Nola nahi ere, azken hauen aldekoa izan zen amaierako emaitza. 35-19.

22 junio 2025

22 Urtez Azpikoen Finala: Orozko Nagusi Irungo Ramuntxon


Ekainaren 8an jokatu zen 22 urtez azpikoen finala Irungo Ramuntxo trinketean. Orozko taldeak, Olatz Zulaika eta Naroa Saez pilotariekin, nagusitasun handia erakutsi zuen eta garaipen argia lortu zuen Hernaniko taldearen aurka (Nahia Eizmendi eta Enara Macicior).

Markagailuak ez zuen zalantzarik utzi: 30-13 irabazi zuten orozkoarrek, hasieratik bukaerara euren jokoari eutsiz eta finala sendo kontrolatuz.

Zorionak Orozko taldeari garaipenagatik eta baita Hernaniko pilotariei ere finalera iristeagatik!

EHko Paleta Arjentinarreko Trinketeko Finala Iruran

 

Gaur Irurako Ametsa trinketean jokatu da Euskal Herriko paleta arjentinarreko trinketeko finala. Oberena eta Hernani izan dira aurrez aurre.

Partidua hasieran nahiko berdindua joan da, 8-7ko markagailuarekin, baina une horretan Hernaniko atzelariak min hartu du eta hortik aurrera errenkan ibili behar izan du partida osoan. Hala ere, Hernanikoek 21 tanto egitea lortu dute, ahalegin handiz.

Azkenik, txapeldunak Oberena taldeko Haizea Salanueva eta Uxue Murillo izan dira. Zorionak txapeldunei eta parte-hartzaile guztiei, eta bereziki Izaskun Arrosagaray eta Maider Mendizabal Hernaniko pilotariei erakutsitako adoreagatik!






21 junio 2025

Neska Infantilen Topaketa Tilosetako Frontoian

Giro Beroa, Pilotari Giroa

Atzo arratsaldean, Tilosetako frontoian izugarrizko beroa izan arren, neska infantilen topaketaren barruan txapelketa azkarra jokatu zan. Lehenik eta behin, binaka aritu ziran pilotariak, eta ondoren, banaka lehiatu ziran.

Zoritxarrez, beroaldiaren ondorioz Oiartzuneko bi bikotek ezin izan dute parte hartu, baina hala ere, Intxurre taldeko hiru pilotari —Bidane, June eta Maialen— bertaratu ziran, eta Hernaniko pilotari batekin- Enara- batera bikoteak aldatuaz jokatu zuten.

Giroa beroa izan arren, parte-hartzaileek gogotsu jokatu dute eta frontoian giro polita sortu da.

Kanpoan Ikasten Ari Direnak 

Kanpoan ikasten ari diren eta palaz aritu ziren hainbat neska ere hurbildu zitzaizkigun frontoira. Pozgarria izan zan pilotak eta palak elkartzen dituztela ikustea , eta giro ederrean egon zirela, nahiz eta batzuk aurten lehiaketetan parte hartu ez izan.

Giroa beroa izan genuen baina giro beroagoa sortu zuten hurbildutakoek, eta eskerrik asko animatzaile eta laguntzaileei!

Infantilak denboraldi amaierako txapelketa

 Hernaniko kiroldegiko frontoian burutu dute txapelketa maiatza eta ekaina bitarte.



Infantilen topaketak Oreretan

Errenteria, Oiartzun eta Hernaniko infantilan elkarren aurka aritu dira jokatzen Otsaila eta Apirila bitartean.

Topaketa hauen amaiera Errenteriako Agustina Otaola pilotalekuan izan zen apirilaren 5ean.



08 junio 2025

Gipuzkoako bosterdian Banakako txapelketaren finalak

 

Lau kategorietako finalak jokatu dira Hernaniko kiroldegiko pilotalekuan.

Atzo, Hernaniko kiroldegiko frontoian, Gipuzkoako banakako bosterdiko txapelketako lau final jokatu ziren. Lehen partidak oso parekatuak izan ziren, baina azken finala bi hernaniarren arteko lehia izan zen. Amaiak nagusitasunez irabazi zion Enarari, eta argi geratu zen esperientziak asko balio duela.

Finalerdietan alde batetik Joana Tolaretxipik Aranburu, txapelduna izan denaren aurka jokatu zuen eta gutxigatik galdeu, bestalde Maddi Iriondok ere Balerdi izan zuen aurkari finalerdietan eta Joana bezela gutxigatik galdu zuen finalerdia.

FINALETAKO EMAITZAK MAILAZ

2025/06/0716:00125 - 17INTXURRE-LULUAGABEHAR ZANA-IRAZUSTAG - GP banaka neskak 5T
G-GPBA5T-Neskak-J2 (Finala)
2025/06/0716:00225 - 19BEHAR ZANA-ALDAZABAL H.BEHAR ZANA-LASAG - GP banaka neskak 5T
G-GPBA5T-Neskak-J1 (Finala)
2025/06/0716:00318 - 25BEOTIBAR-BALERDIBEOTIBAR-ARANBURUG - GP banaka neskak 5T
G-GPBA5T-Neskak-N2 (Finala)
2025/06/0716:00425 - 9HERNANI-IRAZUSTABARRENAHERNANI-MACICIORG - GP banaka neskak 5T
G-GPBA5T-Neskak-N1 (Finala)

04 mayo 2025

GRABNI 2025: Hernaniko ordezkarien parte-hartzea Mendizorrotzan



Atzo, Mendizorrotzan jokatu ziren GRABNI txapelketako finalak, giro bikain eta lehiakor batean. Gipuzkoa ordezkatuz, Hernaniko lau pilotariak paleta goma modalitatean hartu zuten parte, eta euren mailako onenekin neurtu ziren.

Sub22 mailako finala: Enara Macicior eta Ane Kerejeta, borroka eta emozioa
Sub22 mailan, Enara Macicior eta Ane Kerejetak partida ikusgarria jokatu zuten. Lehia oso gogorra izan zen, berdinketa ugari izan zituen eta tentsio handiko uneak bizi izan ziren. Gure neskak 24-27 aurretik jarri ziren, baina Bizkaiko ordezkariek 27ra berdintzea lortu zuten. Hortik aurrera, markagailua 29-27ra iritsi zen aurkarien alde, baina hernaniarrek adorez borrokatu eta 29ko berdinketa lortu zuten. Azken tantoetan, ordea, fisikoki indartsuago agertu ziren bizkaitarrak, eta 30-29 galdu zuten gureek. Partida ikusgarria izan zen, eta Hernanikoek maila bikaina eman zuten, nahiz eta azken unean txapelak ihes egin.
Nagusien mailan: Nafarroa nagusi, Maider Ardanaz protagonista
Nagusietan, Nafarroako ordezkariek nagusitasun handiz irabazi zuten. Maider Ardanaz atzelariak erakustaldi ikusgarria eman zuen, hutsik egin gabe partida osoan eta edozein tokitik tantoak eginez. Partida hasieran, Hernanikoek 2-0 aurretik jartzea lortu zuten, baina ondoren Nafarrak erritmoa igo eta partida euren alde eraman zuten, gureak 12 tantotan geratuz. Egia esan, Nafarrek ez zuten aukerarik eman, eta txapelak merezita eraman zuten.

Gipuzkoako hautatzaile eta entrenatzailea Maider Mendizabal izan zuten.






29 marzo 2025

Emakume Pilotarien Jardunaldia

Martxoak 27tik hasita, ekintzez beteriko hiru egun ospatu dituzte, Zestoan eta Azpeitian, Gipuzkoako Euskal Pilota Federazioaren 100. urteurrenean: erakusketa, raketisten inguruko proiekzioa, topaketak, bazkaria, hainbat espezialitateko goi mailako jaialdia, omenaldia...


Gipuzkoako Federazioko web orritik jasotakoa:

Gaurtik hasita, ekintzez beteriko hiru egun ospatuko dituzte, Zestoan eta Azpeitian, Gipuzkoako Euskal Pilota Federazioaren 100. urteurrenean: erakusketa, raketisten inguruko proiekzioa, topaketak, bazkaria, hainbat espezialitateko goi mailako jaialdia, omenaldia...

2025eko abuztuan Gipuzkoako Euskal Pilota Federazioak (GEPF) 100 urte beteko ditu, eta hori ospatzeko hainbat ekintza antolatuko ditu urtean zehar. Gipuzkoako Emakume Pilotarien Jardunaldia da, hain justu, horietako bat: gaurtik larunbata bitarte izango da (martxoak 27, 28 eta 29), Zestoan eta Azpeitian. 

Jardunaldi horren xehetasun guztiak prentsaurrean aurkeztu dituzte gaur, Zestoan, Gipuzkoako Euskal Pilota Federazioko presidente Itziar Lete Andonegik, Zestoako alkate Mikel Arregi Urrutiak, Azpeitiko alkate Nagore Alkorta Elorzak eta Gloria Agirre 'Aizarnako Txikita' raketista profesional ohiak.

Jardunaldian parte hartuko dutenei, "eta, bereziki, Zestoako eta Azpeitiko Udalei" eskerrak emanez hasi du agerraldia Letek: "Zuen prestutasun eta laguntzarik gabe, benetan, hau ez zela posible izango".

Azpeitiko alkateak federazioa zoriondu du bere mendeurrenagatik eta horrelako jardunaldia antolatzeagatik, "emakumeak protagonista" izango dituena. "Oso garrantzitsua da ikusgarritasuna ematea emakume pilotariei eta pilota munduan lanean ari direnei, eta baita erreferenteak izatea ere. Eta hemen bi ditugu", adierazi du, 'Aizarnako Txikita'-ri eta Leteri aitortza eginez. Jendea ekitaldietara animatuz bukatu du bere tartea.

"Askotan pentsatzen dugu emakumeak pilotan duela gutxi hasi direla. Adibidez, raketisten inguruan inoiz zerbait entzun bai, baina jakin ezer gutxi. Gizonezkoak bazinate, ederki jakingo genuen", azaldu du, bere aldetik, Zestoako alkateak. "Injustizia hori" azpimarratzeaz gain, herrian horrelako ekitaldiak izatea "ohore handia" dela adierazi du.

'Aizarnako Txikita' oso pozik agertu da: "Izugarrizko ohorea da zuekin hemen egotea eta errekonozimendu hau jasotzea. Gurekin gogoratzen direla ikustea oso pozgarria da. 'Zerbait egin genuen', pentsatzen duzu. Asko kostatu zitzaigun, batez ere hasieran. Baina pilotak asko eman zidan". Bere ibilbideari errepasotxo bat eginez, mutil pilotari batek hari esandako "gauzarik polittena" oroitu du: "Tú eras una estrella. Tú hacías ballet con la pelota" (Zu izar bat zinen. Zuk balleta egiten zenuen pilotarekin). "Bazeuden asko ezin gintuztenak hor ikusi, gu sukaldera eta etxera. Baina beste askogandik baloratuta sentitu gara". Gaur egungo neskek dituzten aukera eta baliabideengatik pozik mintzatu da Agirre: "Aurrera doazela ikustea oso pozgarria da".

Gaur bertan hasiko da Emakume Pilotarien Jardunaldia, emakumeen euskal pilotak Gipuzkoan izan duen bilakaerari buruzko erakusketa batekin; ostegunetik larunbatera izango da ikusgai, Zestoako Udal pilotalekuan.

Horrez gain, ostiralean, Jon Juanes Iragorrik zuzendutako 'Raketistak lehen eta orain' dokumentala ikusteko aukera izango da, Zestoako Kultur Etxean. Goizean herriko ikastetxeko ikasleek izango dute emanaldia. Eta arratsaldean, berriz, nahi duen orok izango du dokumentala ikusteko aukera, eta sarrera doan izango da. 'Aizarnako Txikita' ere bertan izango da.

Larunbata ere ekintzez beterik dator. Goizean, Azpeitian, neska pilotarien eskuzko eta paletako topaketa izango da, Izarraitz frontoian, eta ondoren bazkaria izango dute Berdura plazan, Elikagunearen eskutik. Eta arratsaldean, Zestoan, goi mailako pilota jaialdiaz gozatzeko aukera izango da, Udal kiroldegiko pilotalekuan. Bertan, gainera, “Aizarnako Txikita' eta Gipuzkoako emakumeen pilotan esanguratsuak izan diren beste hainbat emakume omenduko ditugu.

Hauexek dira, hain zuzen ere, egitarauaren xehetasunak:



Infantilen Udaberri txapelketa

 Hernani,Altzo eta Oiartzungo infantilak Udaberri txapelketa jokatzen ari dira. Bost bikoteak ari dira parte hartzen.

Argazkian Hernanin jokatutako jardunaldiko partaideak.



27 marzo 2025

Mutrikun emakumeen II. pala topaketa arrakastatsua

HITZA Lea-Artibai-Mutriku Busturi aldeko Kronikatik jasota:

Deba, Hernani, Zizurkil, Durango, Zumaia, Azkoitia, Zornotza eta Mutrikuko 24 emakume palista batu ziren domekan [martxoak 23] Emakumezkoen II. Pala Topaketetan, Mutrikun. 19 urtetik hasi eta 65 urtera arteko emakumeen bilgune izan zen Egaña frontoia, eta antolatzaileek adierazi dutenez “oso ondo” joan zen eguna. 

Egun osoan zehar aritu ziren palan. Ligaxka bat egin zuten, eta arratsaldean finalerdiak eta finala jokatu zuten. Hala, Iratxe eta Maite Barruetabeña ahizpa mutrikuarrak gailendu ziren: “Ez ziren bikote izan hasieratik, baina arratsaldean jende gutxiago geundenez, berriro antolaketa egin eta bi ahizpek irabazi zuten”. Antolatzaileek adierazi bezala, herriko jendea ere bertaratu zen frontoira, baita Ainhize Azpiazu Mutrikuko alkatea ere: “Eskerrak eman nahi dizkiogu Mutrikuko Udalari, Egaña frontoiaren proiektua aurrera eramatearren, eta topaketak antolatzeko orduan emandako laguntzagatik”.

Egun guztia frontoian igaro ondoren, “oso pozik” agertu dira emakume palistak, eta parte hartzaileek topaketak antolatzen jarraitzeko eskaera egin zieten antolatzaileei: “Oso pozik gaude topaketekin, eta gure helburua, urtero mantentzea ez ezik, urtean birritan egitea izango litzateke. Hau da, 2025. urtea amaitu aurretik beste topaketa batzuk egitea gustatuko litzaiguke. Horrez gain, datorren urtera begira emakume palisten txapelketa berreskuratu nahi dugu; izan ere, Muruaitz frontoiko ordutegiaren eta Covid-19aren ondorioz, bertan behera utzi genuen, baina 2026ko helburua, txapelkera berreskuratzea izango da. Izan ere, emakume paliston helburua herri desberdinetako emakumeak ezagutu, eta herrian emakumeen pala bultzatzea da. Beraz, bide horretatik, lanean jarraituko dugu”. 





16 marzo 2025

GRABNIko 1.Jardunaldia



2025ko Martxoaren 15an
Jubenilak
GIPUZKOA:Aldazabal,Ugartemendia2130NAFARROA:Larraza,Zabalza
22 Azpi
GIPUZKOA:Macicior,Kerejeta2330NAFARROA: Purroy,Eguzkiza
Nagusiak
GIPZUKOA:Irazustabarrena,Eizmendi2230NAFARROA:Salanueva,Ardanaz

 Atzo, martxoaren 16an, GRABNI txapelketaren lehen jardunaldia jokatu zen Gipuzkoan, Gipuzkoa eta Nafarroako selekzioen artean. Nafarroako taldeak erakustaldi bikaina eskaini zuen, hiru mailetan nagusitasuna erakutsiz eta partida guztiak irabaziz.

Gipuzkoako selekzioan, bertako klubetako pilotariek parte hartu zuten. Nahiz eta partidak lehiatuak izan, Nafarroako taldeak sendotasun handiagoa erakutsi zuen eta garaile atera zen maila guztietan.

Aipagarria da Nafarroako selekzioaren indarra, GRABNI txapelketarako 50 talde aurkeztu baitituzte, parte-hartze handiena duen federazioa izanik. Honek argi uzten du Nafarroako pilota-maila altua eta txapelketa honetan duten lehiakortasuna.

Laburbilduz, lehen jardunaldiak Nafarroaren nagusitasuna erakutsi du, baina txapelketak aurrera jarraitzen du eta ikusteko dago nola garatuko diren hurrengo jardunaldiak.

OHARRA: Abadiñon, 2025eko martxoaren 14a 

Euskadiko  Pilota  Federazioak  bere  jarrera  adierazi  nahi  du Espainiako  Pilota Federazioak  eta  Kubako  Euskal  Pilotako  Federazioak gure  erakundearen eta Nazioarteko  Euskal  Pilota  Federazioaren  (NEPF) aurka Kiroletako  Arbitraje Auzitegian (KAA) aurkeztu duten salaketaren ondorioz sortu den egoeraren aurrean. 

NEPFk  berriki  jakinarazi  du  ez  duela  baimentzen  ordezkaritza  espainiarra  duten pilotariek txapelketa ofizialetan parte hartzea, eta, praktikan, horrek Espainiako Pilota Federazioa eta haren baitan dauden federazioak, hala nola Nafarroako Euskal Pilota Federazioa  eta  Errioxako  Pilota  Federazioa,  NEPFren  babespean  antolatutako lehiaketetatik kanpo uztea ekarri du. Testuinguru honetan, NEPFko kide iragankor gisa, irizpide  bera  aplikatu  behar  dugu  gure  txapelketetan, koherentzia  eta  erantzukizun osoz jokatzeko,  eta  erakundean  dugun  kide  izaera  arriskuan  jar  dezakeen  edozein erabaki saihesteko. 

Elkarlana eta irtenbideak bilatzeko asmoz, atzo, 18:00etan, Errioxako Pilota Federazioa eta  19:00etan  Nafarroako  Euskal  Pilota  Federazioa  bilera  batera  deitu  genituen Gasteizen. 

Errioxako Pilota Federazioa bilerara etorri zen, eta egoera sakon aztertu zen, baina ez zen lortu jarrera argirik hartzea. Ondorioz, eta NEPFk ezarritako irizpideei jarraituz, ezin izan genuen onartu GRABNI Txapelketan parte hartzea. 

Bestalde,  Nafarroako  Euskal  Pilota  Federazioarekin  izandako  bilerak  aukera  eman zuen  jarrerak  trukatzeko  eta  egoera  argitzeko. Gure  testuingurua  azaldu ondoren, ulermena  eta  elkarrizketarako  prestutasuna  erakutsi  zuten.  GRABNI Txapelketarako Nafarroako Federazioaren aurkezpenean egindako adierazpenak begi onez ikusi dira, hori dela eta, GABNI Txapelketan parte hartuko du.  

Argi utzi nahi dugu ez dela gure borondatez hartutako erabakia, baizik eta Espainiako Pilota Federazioak KAAn Euskadiko Euskal Pilota Federazioaren aurka aurkeztutako salaketaren  ondorio  zuzena.  Salaketa  honek  egoera  konplexua  sortu  du,  eta ardura handiz jokatu behar dugu, NEPFn gure kide izateko eskubidea arriskuan ez jartzeko. Hala ere, gure helburua pilotarien eta euskal pilotaren alde lan egitea da, beti ere haien garapena eta hazkundea bermatzeko baldintzarik onenak eskainiz.  

Etorkizunean, Errioxako Pilota Federazioarekin lankidetza berreskuratzeko baldintza egokiak sortuko direlakoan gaude, betiere nazioarteko araudiekin bat datorren esparru instituzional batean. 

 EUSKADIKO EUSKAL PILOTA FEDERAZIOKO ZUZENDARITZA BATZORDEA 

09 marzo 2025

Iñauterietako pilota jaialdia Hernanin: azkartasuna eta emozioa frontoian

 

Hernaniko Iñauterietako jaietan pilota jaialdi berezia ospatu zen, nahiz eta espero baino ikusle gutxiago hurbildu frontoira. Bi partida jokatu ziren: lehenik, nesken paleta goma modalitatean, eta ondoren, mutilen eskuzko norgehiagoka.

Nesken partidua oso azkarra izan zen, aurrelariek erakustaldi bikaina eskaini baitzuten. Tanto ikusgarriak egin zituzten, eta haien joko bizkorrak frontoiko giroa berotu zuen. Hasieran paleta larruz jokatzeko asmoa bazegoen ere, hurrengo egunean finalerdiak zituzten paleta gomaz, eta bi modalitateak nahastea ez zen egokitzat jo.

Ondoren, mutilen eskuzko partida izan zen. Nahiz eta ikusle kopurua apala izan, bertaratutakoek kirolari guztien ahalegina eta kalitate handiko jokoak txalotu zituzten.

EH Irekia eta Eliteko finalak Mallabian

 

Hirugarren mailatik hasi eta Elite mailaraino lau final jokatu ziren atzo Mallabian

Alava eta Mancisidor txapeldun partidu ikusgarrian 1.mailan (Azkeneko tantua bideoan ikusi)

Atzo arratsaldean jokatu zen 1. mailako finala ikusgarria izan zen, emozioz eta tentsioz betetako norgehiagoka bat. Alava eta Mancisidor bikoteak Kerejeta eta Eizmendiren aurka neurtu zituzten indarrak, eta azkenean, txapela jantzi zuten partidu oso lehiatu batean.

Hasieratik, bi bikoteek erakutsi zuten maila altua, eta markagailuan berdinketa ugari izan ziren. Tanto bakoitza gogor borrokatu zen, eta ikusleek goi mailako pilota ikuskizunaz gozatzeko aukera izan zuten. Partiduak aurrera egin ahala, tentsioa eta nekea areagotuz joan zen, eta azken tantoetan erabaki zen txapelaren patua. Partiduaren emaitza 30-26.

Azken unean, Alava eta Mancisidorrek hobeto kudeatu zuten presioa eta egoera emozionala.  Kerejeta eta Eizmendik ahal zuten guztia eman zuten arren, ezin izan zuten aurkarien azken oldarrari eutsi.

Partidu amaieran, txapeldunek beren poza adierazi zuten, baina aldi berean, Kerejeta eta Eizmendiren lan bikaina ere aitortu zuten. Zaletu guztiek txalo zaparrada batez agurtu zituzten lau pilotariak, erakutsitako maila eta kiroltasunagatik.

Argazkian parte hartu zuten finalistak.
Elite mailan txapeldunak N.Martin eta M.Ardanaz. Bigarrenak U.Murillo eta A.Diez.



Gure pilotariak GRABNI txapelketan aukeratuak izan dira

 

Pozik eta harrotasunez jakinarazten dugu gure pilotariak GRABNI txapelketan parte hartzeko aukeratuak izan direla. Euskal Herriko eskualde ezberdinetako selekzioek parte hartzen duten lehiaketa garrantzitsu honetan, gure kirolariek beren talentua eta ahalegina erakutsiko dute, Gipuzkoako, Bizkaiko, Arabako, Nafarroako, Errioxako eta Iparraldeko selekzioekin batera lehian arituz.
GRABNI txapelketa modalitate ezberdinetan jokatzen da, eta gure pilotariek prestakuntza handia egin dute bertan maila altua erakusteko. Talde-lana eta gure kirolaren balioak defendatzea izango dira haien helburu nagusiak.

Zorte on gure pilotariei! Zuen esfortzua eta dedikazioa harro sentitzeko modukoak dira. Eutsi goiari!

Martxoaren 15 ean Hernanin jokatuko dira partidak arratsaldean: Jubenilak, Sub22 eta Nagusiak.

Gipuzkoa-Nafarroa.


16 febrero 2025

EH Irekiko 2.jardunaldia Hernanin




2025-ko OTSAILAaren  15Ean
1.Mailan
                        LARRAUN2930MACICIOR-ALAVA
ATAUN1630EIZMENDI-QUEREJETA

12 febrero 2025

Gipuzkoako Euskal Pilota Federazioak aurten 100 urte


Gipuzkoako euskal pilota federazioko web gunetik jasota:

Hasi dira mendeurreneko ospakizunak. Gipuzkoako Euskal Pilota Federazioak (GEPF) urte berezi honetako aurkezpena egin zuen, atzo (2025-01-05), Donostiako Atano III.a pilotalekuan, hainbat erakundetako ordezkarik, babeslek, federazioaren presidente ohik, klubek eta pilotarik lagunduta. Logo berria ere eman zuen ezagutzera. Itziar Lete Andonegi, GEPFren egungo presidenteak, gidatu zuen saioa; mahaikide izan zituen Marta Pastor Bañales, Gipuzkoako Foru Aldundiko Kirol Zuzendaria, Joxemari Mitxelena Cazabon, Euskadiko Euskal Pilota Federazioko (EEPF) presidentea, Iñaki Gabarain Gaztelumendi, Donostiako Udaleko Kirol zinegotzia eta Irati Etxeberria Mateos, logo berriaren sortzailea.

 "Euskal pilota berezia da, gure herriaren nortasuna, barruan daramagu", hasi zuen agerraldia Letek. Eta eskerrak emanez ekin zion aurkezpenari: "Eskerrak 100 urte hauetan federazioa egin duten presidente, zuzendaritza kide, epaile, klub eta pilotari guztiei, eta baita gaur egun egiten dutenei ere. Eskerrak, era berean, gure babesle direnei eta mendeurren honetan gurekin bat egingo duten enpresa, eragile eta norbanakoei: Ampo, Orona, Rural Kutxa, Danobat, Irizar, Negua, Aramendia, Oriamendi, Daniel Carballo… Eta, bereziki, eskerrik asko Gipuzkoako Foru Aldundiari, berriz ere bidelagun izateagatik".

Hala, Gipuzkoako Foru Aldundiko Kirol Zuzendari Marta Pastor Bañalesek hartu zuen hitza ondoren. "Plazer eta ohore bat da hemen egotea. Ezinbesteko erakundea da, kirol honen funtsa bizirik mantentzen jakin duena. Guztiak zoriondu nahi zaituztet, eta kirol honekin dugun konpromisoa berretsi", azpimarratu zuen. Mendeurrenarena "iraganaren ospakizuna, baina etorkizunera begirakoa" dela gehitu zuen.

Joxemari Mitxelena Cazabon EEPFko presidente izendatu berriari ere "oso eskertuta" eman zion hitza Letek, eta hark historiari errepasotxo bat egin eta datu bitxiak kontatu zizkien bildutakoei. "Jarraitu pilota bizitzen", animatu zituen guztiak.

Gipuzkoako Udalak ere aipatu nahi izan zituen GEPFko presidenteak, "elkarlanerako prest azaldu baitzaizkigu ospakizun urte honetan: Donostia, Azpeitia, Zestoa, Villabona, Usurbil, Oiartzun, Zizurkil, Zumarraga… eskerrik asko guztioi". Eta Donostiako Udaleko Kirol zinegotzi Iñaki Gabarain Gaztelumendi mahaikideari "Atano III.a pilotaleku ederrean ekitaldi hau egiteko aukera ematea" eskertu zion: "Ezin dugu ahaztu, gainera, ospakizun batzuk Donostian antolatzeko eskaini digun laguntza, eta abian dugun Donostia Plana garatzeko elkarlana". Donostia Plana izan zuen hizpide Gabarainek ere, Donostian pilota indartzeko bi erakundeek parte hartzen dutena: "Zorionak emateaz gain, eskerrak ere eman behar dizkiot federazioari, elkarlanagatik. Gaur anfitrioiak gara, eta ohore bat da". 100 urte "kate luze bat" dela adierazi zuen eta "aurretik dugun bide luze honi elkarlanean heltzeko" prestutasuna agertu zuen.

Urteurreneko ekitaldien berri eman zuen ondoren GEPFko presidenteak. Abuztuaren 9an beteko ditu ehun urte federazioak, baina "urte guztiko festa" izatea nahiko luke, eta horretarako ekintza desberdinak antolatuko ditu. Hala, abuztura bitarte gutxi gorabehera hilero izango da ekintzarik. "Unean-unean joango gara xehetasun guztiak ematen, baina zerbait aurreratu dezakegu", azaldu zuen Letek. Euskal pilotaren iruditeriarekin sortutako karta-sorta; emakume pilotariak protagonista izango diren eguna eta haien ibilbidea jasotzen duen erakusketa; bertso-jaialdi bat; federazioaren historia jasotzen duen argitalpena; espezialitate zaharrenen partida ikusgarriak; jokamolde desberdinen pilota festak; artxibo historikoa jendartera zabaldu, jaialdi bikaina abuztuan... hauek guztiak aipatu zituen. Eta lehendabiziko ekintza atzo bertan gauzatu zen, federazioaren logo berriaren aurkezpenarekin.

Irati Etxeberria Mateos sortzaileak irabazi du GEPFk antolatutako lehiaketa, eta bere lanaren nondik norakoak azaldu zituen aurkezpenean. Frontoia "irudi zentral bezala" aukeratu du Etxeberriak, "disziplina guziak eta kirol honetako protagonista guztiak batzen dituena". Frontoiaren markak eta pilotak osatzen dute logoa. "Armarriaren aztarnak" ere baditu, berria izan arren aurreko logoari ere keinu eginez, hala.

Urteurrena federazioarekin batera ospatzera gonbidatuz eta parte hartzera animatuz amaitu zuen azalpena GEPFko presidenteak: "100 urte ez da helmuga, eta etorkizunera ilusioz beteta begiratu nahi diogu".

28 enero 2025

Hernani Euskal Herriko txapeldun gomazko paletan

Eizmendi eta Irazustabarrenarekin



30-26 nagusitu ziren Errekaleorren aurka Ogetan, kluben arteko txapelketan.
 
Hernani Euskal Herriko kluben arteko txapeldun izan da gomazko paletan. Pasa den larunbatean, Gasteizeko Ogeta pilotalekuan, Amaia Irazustabarrenak eta Garazi Eizmendik Errekaleorreko Ruiz de Azua eta Saez garaitu zituzten 30-26 final berdindu eta ikusgarri batean. 

Hernaniarrak hasieran agindu zuten markagailuan, 5-3, 14-7, 17-9... baina aurkariek estutu eta asko hurbildu ziren markagailura. 17-16 jarri ziren, tanto bakarrera, 0-7ko partzialarekin eta 21-20 ere aurreratu ziren Ruiz de Azua eta Saez. Hala ere, hernaniarrak bikain erreakzionatu zuten eta berriz ere abantaila polita lortu zuten, 22-28 eta 23-29. Aurkariek ez zuten etsi eta hiru tantora hurbildu ziren, 26-29, baina azken tantoan ongi defendatu ziren hernaniarrak eta Errekaleorreko aurrelariak txapapera bota zuen azken pelotakada. 

Sufrituta, baina azkenean txapela Hernanira etorri zen merezimendu osoz. Txapela garrantzitsua kluben artekoa, urtea ezin hobeto hasi dute palista hernaniarrek.

08 enero 2025

Ordiziako saria Galdos-Zubelzurentzat

 


Partidu guztiak irabazita lortu dute saria 1. Ordizia Hiria paleta larruzko txapelketa Leire-Galdos eta A.Zubelzuk, Amaia Irazustabarrena eta G.Lopez en aurka jokatu zuten finala Abenduaren 22an.

Leire Galdos txapelketako jokalari onena izendatu zuten. 

30 diciembre 2024

Gipuzkoako txapeldunorde infantil mailan

 

Finala jokatu zuten Adur Salaberria eta Enara Urdangarin palista hernaniarrek, joan den astebu-
ruan, Gipuzkoako Errendimenduko Txapelketan. Infantil mailan aritu ziren, 'Ikus' pelotarekin,
igande arratsaldean, Donostiako Altza auzoko frontoian.
Ligaxkan Ilunperi aurrea hartuta, finalerako txartela lortu zuten hernaniarrek, eta Oianguren kontra aritu ziren, txapelaren lehian, baina 30-10 galdu zuten. Ligaxkan bezala, finalean ere indartsuago aritu zen Aritz
Maiorak, Xuban Sardonek eta Josu Soberonek osatutako hirukote ordiziarra.