Mostrando entradas con la etiqueta sub22. Mostrar todas las entradas
Mostrando entradas con la etiqueta sub22. Mostrar todas las entradas

22 junio 2025

22 Urtez Azpikoen Finala: Orozko Nagusi Irungo Ramuntxon


Ekainaren 8an jokatu zen 22 urtez azpikoen finala Irungo Ramuntxo trinketean. Orozko taldeak, Olatz Zulaika eta Naroa Saez pilotariekin, nagusitasun handia erakutsi zuen eta garaipen argia lortu zuen Hernaniko taldearen aurka (Nahia Eizmendi eta Enara Macicior).

Markagailuak ez zuen zalantzarik utzi: 30-13 irabazi zuten orozkoarrek, hasieratik bukaerara euren jokoari eutsiz eta finala sendo kontrolatuz.

Zorionak Orozko taldeari garaipenagatik eta baita Hernaniko pilotariei ere finalera iristeagatik!

04 mayo 2025

GRABNI 2025: Hernaniko ordezkarien parte-hartzea Mendizorrotzan



Atzo, Mendizorrotzan jokatu ziren GRABNI txapelketako finalak, giro bikain eta lehiakor batean. Gipuzkoa ordezkatuz, Hernaniko lau pilotariak paleta goma modalitatean hartu zuten parte, eta euren mailako onenekin neurtu ziren.

Sub22 mailako finala: Enara Macicior eta Ane Kerejeta, borroka eta emozioa
Sub22 mailan, Enara Macicior eta Ane Kerejetak partida ikusgarria jokatu zuten. Lehia oso gogorra izan zen, berdinketa ugari izan zituen eta tentsio handiko uneak bizi izan ziren. Gure neskak 24-27 aurretik jarri ziren, baina Bizkaiko ordezkariek 27ra berdintzea lortu zuten. Hortik aurrera, markagailua 29-27ra iritsi zen aurkarien alde, baina hernaniarrek adorez borrokatu eta 29ko berdinketa lortu zuten. Azken tantoetan, ordea, fisikoki indartsuago agertu ziren bizkaitarrak, eta 30-29 galdu zuten gureek. Partida ikusgarria izan zen, eta Hernanikoek maila bikaina eman zuten, nahiz eta azken unean txapelak ihes egin.
Nagusien mailan: Nafarroa nagusi, Maider Ardanaz protagonista
Nagusietan, Nafarroako ordezkariek nagusitasun handiz irabazi zuten. Maider Ardanaz atzelariak erakustaldi ikusgarria eman zuen, hutsik egin gabe partida osoan eta edozein tokitik tantoak eginez. Partida hasieran, Hernanikoek 2-0 aurretik jartzea lortu zuten, baina ondoren Nafarrak erritmoa igo eta partida euren alde eraman zuten, gureak 12 tantotan geratuz. Egia esan, Nafarrek ez zuten aukerarik eman, eta txapelak merezita eraman zuten.

Gipuzkoako hautatzaile eta entrenatzailea Maider Mendizabal izan zuten.






22 noviembre 2017

Munduko 22 urtez azpiko txapelketa Argentinan

Bi hernaniar gazteak ari dira jokatzen Buenos Aires-en Munduko 22 urtez azpiko txapelketa estatuko selekzioarekin.  Ariane Arrieta eta Maider Huizi dira jokalariak eta hasiera oso ona izaten ari dira, aurreneko bi jardunaldietan irabaziz.
Partiduen egutegia HEMEN

TRINKETA
SPAIN 2 0 CHILE 15-1, 15-2
SPAIN 2 1 CUBA 15-11, 12-15,10-5
SPAIN 2 0 URUGUAY 15-8, 15-8
FINALERDIA ere IRABAZITA
SPAIN 2 0 FRANTZIA 15-14, 15-10

13 septiembre 2015

Mexiko 22 urtez azpiko mundialetan garaile

Amaitu da mundiala Palentzian. Gomazko paletako sailkapena:
1.MEXIKO
2. Estatu espainiarra
3.ARGENTINA
4.Iparralde

11 septiembre 2015

22 urtez azpiko finalerdiak FRANTZIAren aurka irabazi


Amaia Irazustabarrena eta Rebeca Continek garaipena lortu dute FRANTZIA taldearen aurrean; hain xuxen, iparraldeko Amaia Larralde eta Martta Hirigaray bikote euskaldunari. Finalerdian beraz, berea ez diren selekzioetan jokatu duten lau euskaldun aritu dira.
Txapelketa horretan partidu eta joku guztiak irabazi dituzte SPAINiakin ari direnak. FRANTZIari 15-8 eta 15-12. Partidu gogorra izan omen da Finalerdikoa.

Argazkian Amaia Irazustabarrena
Finala MEXIKO ren aurka jokatuko dute. Mexikoko taldean joan dan urtean EuskalHerriko selekzioaren aurka jokatu zutenen artean Dulce Figueroa jokalari gaztea ari da. Beraz, Amaia hernaniarra eta Dulce mexikarra elkar ezagutzen dira.

Finalerdiko azken tantua bideoa: HEMEN

10 septiembre 2015

Argentinari ere irabazi mundialean

Atzo Rebeka eta Amaia Irazustabarrenak Argentinako taldearen aurrean garaipena garrantzitsua lortu zuten.Hori horrela, nahikoa izango dute FRANZIAri irabaztea finalean sartzeko. Partidu guztiak irabazi dituzte beraz oraingoz txapelketa horretan.




Argazkian Maider Huizi

08 septiembre 2015

22 urtez azpiko Munduko Pala Txapelketan

Ederki hasi dira Hernaniko bi jokalariak.
1. partiduan Amaia Irazustabarrena eta Rebeca Contin (Nafarroa) CHILEri irabazi zioten.
2. partiduan Izaskun Arrosagaray (Nafarroa) eta Maider Huizik VENEZUELAri irabazi.
3. partiduan Amaia eta Rebeca ARGENTINAri irabazi.

4.Partidua: FINALERDIAN denak euskaldunak.
  AMAIA eta REBEKAk irabazi FRANTZIA -IPARRALDEKO neskei - Amaia Larralde eta Martta Hirigaray.

5.FINALA: Amaia eta Rebekak ezin MEXIKO rekin.

21 julio 2015

Maider eta Amaia Bigarrenak Palentzian

Estatuko selekzioarekin ari dira 3 hernaniarrak. Joan dan asteburuan Palentzian Espainiako 22 urte azpiko F30m-ko txapelketa jokatu zan.Txapelketa hontako partaideak selekzioarekin aukeratuak daudenak izan dira.

Amaia Irazustabarrena-Maider Huizi bigarrenak eta Miren Goikoetxea eta Rebeca Contin ( Nafarra) berriz hirugarrenak.
Txapeldunak Valentzia eta Kanarietako Lidia Simon -Izaskun Rodriguez
Laister jakingo da zeintzuk jokatuko duten 22 urte azpiko munduko txapelketa