Tijero eta Macicior hirugarren Zarautzen

Semifinala galdu izanaren penari,buelta eman zioten asteazkenean Garbiñe Tijero eta Enara Macicior hernaniarrek, Frontoi Txikiko Txapelketan; eta ondo bukatu dute torneoa: 22-­18 irabazi zuten hirugarren posturako partidua, Amaia Aizpuru azkoitiarraren eta Idoia Arrillaga debarraren kontra.

Partidu luzea izan zen hori ere, ordubete ingurukoa; baina oso maila onean aritu ziren bi hernaniarrak. Gogorra izan zen hasiera, eta askotan izan ziren markagailuan berdinduta eta atzetik ere. Baina ondoren, pare bat tantoren aldea hartu zuten hernaniarrek, eta horri eutsi zion bukaerara arte, partidua irabazteko. 

Erlo Telebistak grabatu zuen egun horretako bi partiduak: Emakumezkoen Frontoi Txikiko 13. txapelketa

ARGAZKIAK: Luis Epelde

3. eta 4. posturako partidua ikusteko HEMEN

Finalaren atarian geratu dira Garbiñe Tijero eta Enara Macicior, Zarautzen

 

Frontoi Txikiko Txapelketan, hirugarren posturako partidua jokatuko dute hernaniarrek gaur, semifinala 29-30 galdu ondoren.

Urteroko txapelketa klasiko bat ari dira jokatzen palista hernaniarrak, egun hauetan: Frontoi Txikiko Txapelketa. Baina osasun egoeragatik, Frontoi Txikin beharrean, Aritzbatalde fronto­ian ari dira jokatzen oraingoan, bosgarren koadrotik aurrera.

Astelehenean jokatu zituzten semifinalak, eta protagonisten artean izan ziren Garbiñe Tijero eta Enara Macicior. Oso gogorra izan zen beraiena, iazko txapeldunen kontra; eta azkeneko tantoan nagusitu zitzaizkien Ainhoa Lakuntza eta Irati Tolosa zarauztarrak (29-30). Ordu eta erdiko iraupena izan zuen.

Atzelariek egin behar izan zuten lan gehien, eta horretan, primeran eutsi zion Macicior gazteak. Hernaniarrek izan zuten erasorako iniziatiba, baina sekulako defentsa erakutsi zuten zarauztarrek, eta izugarri luzatu ziren tantoak. Edonola ere, bi-hiru tantoren aldearekin aritu ziren hernaniarrak, 22-20 jarri ziren arte. Horrekin, partidua irabazita zeukatela zirudien, markagailuak hala zioelako, 22ra zela, aurreko faseko partiduak bezala; baina oker zegoen hura: 30era zen semifinala.

«Psikologikoki kolpe gogorra izan da hori, baina eutsi diogu, eta aurretik izan gara 25garren tantora arte», kontatu zuen Tijerok. Orduan lortu zuten partidua berdintzea zarauztarrek, eta 28-29 aurreratu ziren. Txokoan labur egindako bi pareta batekin berdindu zuen markagailua Tijerok, baina azkeneko tantoan, goiko txapara joan zitzaion pelota bat Maciciorri.

«Pena da, sekulako partidua jokatu duelako Enarak. Inoizko partidurik onena jokatu du, atzean oso ondo eutsita. Zeresana emango du laster», zioen Tijerok, partiduaren bukaeran.

Gaur jokatuko dute hirugarren posturako partidua, arratsaldeko 18:30etan, Amaia Aizpuru azkoitiarraren eta Idoia Arrillaga debarraren kontra.

Euskal Herria Irekiko finalak Mallabian

 

Mallabian jokatu dira EH Irekiko 2. eta 3. mailako finalak.

COVIDa dela eta, Joana Tolaretxipik  joan den astean Ohiane Etxaide Zumaiarrekin jokatu zuen finalerdia eta gaur berriz oporretatik bueltan zetorren Maddi Iriondorekinaritu da. Edozeinekin jokatuta ere, Orozkoko taldea oso  maila handiko bikotea izan da, entrenatzailea palista profesionala izandako Natxo Isusik ederki irakatsi diete. Bigarren mailan ere Orozko izan da txapelduna Gasteizko Errekaleor taldeari irabazita.

2021ko Uztailaren 10ean
3.MAILA
HERNANI 1	10	30	OROZKO

 

Honekin amaitzen da urte goraberatsu honen denboraldia.

Amaia eta Ariane paleta gomazko Nafarroako master cupeko txapeldunak.

 

Hasteko, Sakanako pilotalekuaren edukiera txiki geratu da bildutako pilotazale guztiak hartzeko eta, osasun-protokoloa hertsiki jarraituz, zale horietako batzuk kanpoan geratu behar izan dira, jaialdiak zuzenean eman dituen Navarra Televisión-en partidak jarraitzeko aukerarekin. Etxarri Aranatzeko pilotalekuan bildutako jende ugariaren artean Miguel Pozueta, Nafarroako Gobernuko Kirol zuzendaria eta Rebeca Esnaola Kultura kontseilaria nabarmendu behar dira.

Baina onena zortzi finalistek eskainitako maila paregabea izan da; izan ere, sortutako ikusminari bi partida bikainekin erantzun diote, oso lehiatuak, eta pilotazale guztiak ase dituztenak. Lehen mailako finalean, Maider Saralegik eta Maddi Galarzak 21 eta 25 gainditu dituzte Eskala eta Mendinueta azkenean erabki den lehia ezin orekatuago batean.

Eta eliteetan, Amaia Irazustabarrenak eta Arieane Arrietak irabazi dute (25 17), Ane Isasmendiren eta Irati Ruiz de Azuaren aurka, azken emaitza engainagarria izan daitekeen partidan; izan ere, berdinketa izan da nagusi 17. tantora arte eta une horretatik aurrera irabazleen ofizioak eta kalitateak aldea markatu baitute.

 

EH Irekiko azkeneko jardunaldian hernaniarrak Hernanin

Euskal Herriko euskal pilota federazioak antolatzen ari den EH IREKIA txapelketaren ligillako azkeneko jardunaldian, hernaniarrak Hernanin jokatzeko aukera izan zuten.

2021ko Ekainaren 26an
3.Maila
ELORRIO	30	23	HERNANI 1
3.Maila
OROZKO	30	18	HERNANI 2
2.MAILA
HERNANI 1	21	30	ERREKALEOR
2. MAILA
IRULEAK	19	30	HERNANI 3
2.MAILA
HERNANI 2	30	26	ATAUN
2.MAILA
AUÑAJAUKU	30	29	HERNANI 4

Trinketeko estatuko txapelketa Errekaleorrentzat

 Mendillorriko trinketean jokatu da gaur gaoizean Espainiako 2021. trinkete txapelketako finala. Zortzi talde aritu dira leian. Garaileak ERREKALEOR klubeko pilotariak, bigrrenak HERNANI.

Trinketeko Gipuzkoako finala Suberrirentzat

 Gaur Amaia Irazustabarrena eta Ariane Arrieta ez dira bat ere eroso sentitu Irurako Ametsa trinketean jokatu den Gipuzkoako finalean. Garaipena Suberriko Leire Galdos eta Maider Mendizabalek lortu dute. Esan beharra dago Leire Galdos gero eta hobeago jokatzen ari dela eta etorkizuneko pilotaria dugula. Finalaren emaitza SUBERRI 30-20 HERNANI.

Bestalde,atzo Iruñeko Mendillorriko trinketean Amaia eta Arianek  Nafarroako OBERENA taldearen aurka finalerdia irabazi ondoren, datorren astean, finala jokatuko dute Arabako ERREKALEOR taldearen aurka.

FINALERDIAK-ESPAÑIAKO TXAPELKETA
ERREKALEOR	15	15
SU BERRI B	10	5
OBERENA	5	3
HERNANI	15	15

Euskal Klubeko txapelketan Kadeteak txapeldunak

 Atzo amaitu zan Euskal Herriko kluben arteko pilota txapelketa.

Maila guztietako aurreneko sailkatuak

Kadete eta Gazte mailan jardunaldi bakoitzean final laurdenak, finalerdiak,finala eta 3.eta 4.postua lortzeko partidak jokatu dituzte. Urtetik urtera pilotarien maila igotzen ari da.

Kadeteen finala ikusgai HEMEN

Paleta Goma KADETEAK TALDEA Sailkapena HERNANI A(GI) 1. MENDILLORRIKO(NA) 2. LARRAUN(NA) 3. AUÑAMENDI(NA) OIZPE A(BI) OIZPE B(BI)	Paleta Goma JUBENILAK TALDEA Sailkapena HORI HORI ELORRIO A(BI) 1. LARRAUN A(NA) 2. HERNANI(GI) 3. AMURRIO (AR) ELORRIO B(BI) LARRAUN B(NA) LEA IBARRA(BI)

Nagusi mailako finalaren BIDEOA, gazte mailakoa HEMEN

Paleta Goma NAGUSIAK TALDEA Sailkapena SU-BERRI-B(GI) 1. SU-BERRI-A(GI) 2. HERNANI(GI) 3. AUÑAMENDI(NA) ERREKALEOR A(AR) ERREKALEOR B(AR)

Frontballeko 3.jardunaldia

 Gaur, igandea, Hernaniko pilotariak hobeto aritu dira. Ane Kerejetak bere partidua irabazi du 2-1. Enara Maciciorrek 0-2 galdu arren ongi aritu da gaur.  

Partiduen bideotxoak ikusteko irudian sakatu edo HEMEN

Kluben arteko Euskal Liga Hernanin Kadeteak

 Asteburu honetan hasi dira jokatzen maila guztietan kluben arteko euskal liga.

Nagusi mailan Hernaniko taldeak 30 -19 ko emaitza lortu zuen Errekaleor B taldeari irabazita. Hori horrela datorren astean finalerdia jokatuko dute.

Elorrion jubenilek 2. postua lortu zuten aurreko partidu guziak irabazi baina finalean galduta. 40 puntu lortu dituzte.

 Argazkian KADETEAK

Hernanin jokatutako jardunaldian hernaniarrak sailkatu dira aurrenekoak partidu guztiak irabazita, 50 puntu lortu dituzte.

1	HERNANI A
2	LARRAUN
3	MENDILLORRIKO
4	OIZPE A
5	OIZPE B
6	HERNANI B

Frontballean estrenaldia

Hernaniko lau jokalari Espainiako Frontball txapelketan parte hartzen ari dira. Lau horietatik batek ez du aukerarik izan gaur jokatzeko, covida dela eta konfinatuta baitago.
Pilotari hernaniarrak oso urduri hasi dira, izan ere, modalitate honetan jokatzen duten lehen aldia da eta, gainera, aurkari gogorrak izan dituzten aurrean. Dena dela, lehenengo pausua emanda, hemendik aurrera zeresana emango dute.
Bihar jokatuko da sailkapenaren hurrengo jardunaldia.

2021ko Maiatzaren 08an (EZKABARTE- Iruinea)
Mendiburu	2	0	Enara MACICIOR
Garai	2	0	Maddi Iriondo
Ruiz de Larramendi	2	0	Ane KEREJETA

III.Bizkaia Torneoko finalak

Gaur jokatu da III. Bizkaia torneoko finala Bilboko Bizkaia pilotalekuan. Amaiaren 3. finala eta 3. txapela izan da. Aurten Miriam Arrillaga(zubieta) izan du atzean lagun. Aurkariak Leire Galdos oiartzuarra, honi eman diote finaleko jokalari onenaren saria, eta Maider Mendizabal. Maiderren hirugarren finala izan da eta oraingoan ere gutxigatik ez du irabaztea lortu.

Hernaniarrak eta zubietarrak Leire Galdos eta Maider Mendizabal gainditu zituzten hiru jokotan (11-12, 12-9 eta 12-10).

Irazustabarrenaren hirugarren txapela da, hiru edizio bete dituen txapelketan. Nahiz eta urte gutxi izan, pala txapelketarik garrantzitsuena bihurtu da. Irazustabarrena-Arrillagak partiduari buelta eman behar izan zioten. Aurrelari hernaniarra garaiz esnatu zen eta 18 berdinketa izan zituen partidu berdindu batean, erabakiorra izan zen.

razutabarrena-Arrillaga	11	12	12
Galdos-Mendizabal	12	9	10

Finala zuzenean EITBtik eman dute. Ikusteko HEMEN sakatu.

Gipuzkoako txapeldunak Hernani taldea

EGUN HISTORIKOA HERNANIKO PALISTENTZAT
Gaur goizean jokatu dira Gipuzkoako Ezker Hormako paleta gomazko finalak, emakumezkoen txapelketari dagozkionak. Hiru mailatan (jubenilak, 2.maila eta 1.maila) jokatu dute Hernaniko ordezkariek, eta hiruretan ere txapeldun izan dira.
Jubeniletan (Enara Macicior eta Ane Kerejeta), 2.mailan (Ainhoa Urien eta Eli Gutierrez) eta 1.mailan (Amaia Irazustabarrena eta Ariane Arrieta). Jubenil mailan bigarrenak izan dira Joana Tolaretxipi eta Alaitz Barrenetxea.

Une historikoa da hau Hernaniko pala taldearentzat, hiru mailatan txapela lortuta, Hernanin emakumezkoen palak duen indarra nabarmen geratu da. Klubeko guztiok egiten dugun isilpeko lanaren isla dira gaurko txapelak, eta ziur, hemendik aurrera etorriko direnak. Hernani, emakumeak eta pala, sekula baino indartsuago elkar hartuta.

EMAITZAK

2021ko APIRILAREN 11ean
HERNANI 4	30	16	HERNANI 2
HERNANI 2	30	12	SUBERRI
HERNANI 1	30	22	SUBERRI 3

URUMEAKO KRONIKATIK jasota:

Egun historikoa bizi izan zuten igandean Hernaniko palistek. Gipuzkoako Ezker Hormako paleta gomazko emakumezkoen final guztiak irabazi dituzte hernaniarrek, eta, beraz, hiru txapelak Hernanin geratu dira. Igandean, Hernaniko frontoian jokatu ziren finalak hiru mailetan eta hiruretan ere txapeldun irten ziren etxekoak. Oso partidu politak ikusi ziren. Jubeniletan Enara Macicior eta Ane Kerejetak jantzi zuten txapela taldekide diren Joana Tolaretxipi eta Alaitz Barrenetxeari 30-16 irabazi eta gero. Hernaniarren arteko final bakarra zen eta ziurtatuta zegoen, beraz, txapela hernaniarrek janztea. Macicior eta Kerejetak pronostikoak bete zituzten eta txapelketa guztian zehar erakutsi duten bezala, bikote sendoena osatu dute.

Bigarren mailan Ainhoa Urien eta Eli Gutierrezek jantzi zuten txapela Su-Berriko Lasarte eta Aranburi 30-12 irabazita. Partidu erraza izan zuten hernaniarrek, garaipen erosoa lortuz.

Lehenengo mailan Amaia Irazustabarrena eta Ariane Arrieta izan ziren garaileak Su-Berriren kontra 30-22 irabazita. Final zirraragarria izan zen. 7-0 aurreratu ziren hernaniarrak eta partzial horri esker irabazi zutela esan daiteke. Hernaniarrak 26 tantora iristerakoan aurkariak lasaitu eta abantaila mozten hasi ziren, baina ez zuten lortu markagailua iraultzea. Lau palistak oso maila altuan aritu ziren.

Larruzko pilotako III. Bizkaia torneoa

 

Sei bikotek jokatuko dute txapelketa apirilaren 10ean, 17an eta 24an, 17:00etan eta apirilaren 30ean, ostiralean, kasu horretan ere 17:00etan, finala jokatuko da.

Amaia Irazustabarrenak, Miriam Arrilagarekin jokatuko du.

Informazio gehiago hemen

Gipuzkoako finalerdiak

2021ko Martxoa 27an FINALERDIAK
JUBENILAK
HERNANI 2	30	14	INTXURRE 1
2.MAILA
HERNANI	18	30	SU-BERRI

Finaleko pasearen bila ariko dira, gaur 17:00etan, Tolaretxipi eta Barrenetxea, eta Balerdi eta Otaegi, Hernanin bertan. 

Asteburu honetan jokatuko dituzte, Gipuzkoako Txapelketako semifinalak. Horietatik bi izango dira Hernaniko kiroldegiko frontoian, gaur 17:00etan hasita; eta bietan ariko da bikote hernaniarrik: Joana Tolaretxipi eta Alaitz Barrenetxea; eta Ekiñe Balerdi eta Eider Otaegi.

Nagusien bigarren mailakoa jokatuko dute Balerdik eta Otaegik, Su Berriko Lasarteren eta Arambururen kontra. Finalean, dagoeneko zain daukate beste bikote hernaniar bat ere: Ainhoa Urienek eta Eli Gutierrezek zuzenean lortu zuten finalerako pasea, ligaxkako lider bukatuta.

Tolaretxipik eta Barrenetxeak, berriz, jubenil mailako se­mifinala daukate gaur, Intxurreko Uzkudunen eta Muruaren kontra. Eta haiek ere, beste bikote hernaniar batekin ariko dira finalean, gaur irabaziz gero: Ane Kerejeta eta Enara Macicior dauzkate zain, ligaxkako partidu guztiak irabazi ondoren.
Semifinala saihestu duen beste bikotea da Amaia Irazustabarrenak eta Ariane Arrietak osatutakoa. Hernaniarrek irabazi egin zituzten ligaxkako lau partiduak, nagusien lehenengo mailan. Atzo jokatu zuten semifinala, Anoetan, Su Berriko bi bikotek; eta irabazlea izango dute kontrario, finalean.  

Gipuzkoako txapelketa 2.fasean

 Hernaniko pilotariak 2.fasean parte hartzeko sailkatu dira. 1.sailkatuak zuzenean finalera pasatu dira eta finalerdiak 2.eta 3. sailkatuen artean jokatuko da. Martxoak 27 larunbata arratsaldeko 5etan joikatuko dira Hernanin bi finalerdi. 

Hona hemen maila bakoitzeko sailkapenak:

LEHENENGO FASEA		Jubenil maila
sailkapena	TALDEAK	P	J	I	G	A	K
1	HERNANI 4	16	8	8	0	240	76
2	HERNANI 2	15	8	7	1	225	139
3	INTXURRE 1	14	8	6	2	207	150
4	ZUMAIA	13	8	5	3	207	166
5	HERNANI 3	12	8	4	4	205	178
6	INTXURRE 2	11	8	3	5	182	183
7	INTXURRE 3	10	8	2	6	142	218
8	MUNDARRO	9	8	1	7	121	221
9	HERNANI 1	8	8	0	8	42	240
		Nagusiak 2.maila
sailkapena	TALDEAK	P	J	I	G	A	K
1	HERNANI 2	11	6	5	1	177	121
2	HERNANI 1	11	6	5	1	163	152
3	SU-BERRI	9	6	3	3	164	143
4	IRULEAK 1	9	6	3	3	151	153
5	INTXURRE	9	6	3	3	151	156
6	ATAUN	8	6	2	4	149	157
7	IRULEAK 2	6	6	0	6	107	180
8	IRULEAK 3 (RET)	0	0	0	0	0	0
		Nagusiak 1.maila
sailkapena	TALDEAK	P	J	I	G	A	K
1	HERNANI 1	8	4	4	0	120	78
2	SU-BERRI 1	7	4	3	1	119	69
3	SU-BERRI 3	6	4	2	2	94	95
4	SU-BERRI 2	5	4	1	3	80	119
5	HERNANI 2	4	4	0	4	68	120
6	SU-BERRI 5 (RET)	0	0	0	0	0	0
7	SU-BERRI 4 (RET)	0	0	0	0	0	0