Gipuzkoako banakako 5terdiko finalak Hernanin

 Ekainak 16ean Hernanin, Emakumezkoen Gipuzkoako Gomazko Paletako Banakako bosterdiko lau finalak jokatu ziran.

 

25 - 8	INTXURRE-UGARTEMENDIA	BEHAR ZANA-SANTANO	Jubenilak - 2. m
25 - 9	HERNANI-MACICIOR	HERNANI-TOLARETXIPI	Jubenilak - 1. m
24 - 22	BEHAR ZANA-EIZMENDI	INTXURRE-AGIRRE	Nagusiak - 2. m
24 - 25	SU-BERRI-MENDIZABAL	SU-BERRI-GALDOS	Nagusiak - 1. m

Joanak hasieran ez zion oso errexa jarri Enarari. Berdinketa batzuk lortu zituen aurrea atera zion ere hasieran baina Enara erabat partiduan oso sartuta, irabaztea lortu zuen. Emaitzak ez du adierazten egon zen benetako leia.
 

 

Bosterdiko gipuzkoako txapelketa

 Enara Macicior eta Joana Tolaretxipik elkarren aurka jokatuko dute finala ekainaren 16ean. Jubenilen 1.mailan.

Munduko txapeldunak izandakoak elkarren aurka aritu ziran

 

Amaia Irazustabarrenak finalerdia galdu egin zuen Leire Galdosen aurka.

Hernanin jokatu zen partidua galdu egin zuen 25-24 Maider Mendizabalen aurka, partidua berea zela ematen zuen, errez irabazten ari baitzen, baina Mendizabalek buruz ongi dagoela erakutsiz 10 tantu kontra egon arren partidua berarentzat atera zuen.horren ondorioz finalerdia jokatu behar izan zuen Amaiak eta galdu 20-25, Leirek partidu borobila burutu zuen, akatsik gabekoa. Amaia ezinean aritu zen ,beti atzetik, berdintzea lortzen zuen baina akats txiki batzuk eginagatik Leire sakea eskuratuta aldeak handitzea lorttu zuen.

Pala eskolako denboraldi amaiera

 Barrene herrikoiarekin eman zaio 2022-23ko pala eskolako umeen denboraldiari amaiera.

San Isidroko jaialdia euriagatik ia kolokan

 

Eskuko partidua jokatu ahal izan zan baina baserritarren omenaldia ia bukatzear zegoela sirimiria hasi zan. Hala ere pilotariak jokatzeko gogoz zeuden eta zerrautzari esker frontoia lehortzea lortu genuen.

GRABNIko finaletan hernaniarrak

 Hernaniarrak 4 finaletan hartu dute parte eta bietan irabazi.

Ostiralean, maiatzaren 5ean Miren Goikoetxea eta Leire Galdosek garaipena lortu zuten trinketean ARABAKO taldearen aurka 30-27. Hautatzailea Maider Mendizabal izan dute.

Gomazko paletan jubenil eta 22-azpi mailan BIZKAIKO taldeak izan dira hobeak. Jubeniletan Maddi Iriondo eta ane Kerejetak jokatu zuten eta sub22-an Enara Macicior Nagore Muruarekin.

Nagusi mailan Amaia Irazustabarrena eta Maider Mendizabalek NAFARROAko taldearen aurka irabazi zuten

Maider Mendizabalek  txapelketa honetan bere ezker paretako pilotari ibilbideari agur esaten dio. Denboraldi honetako bost txapelketa nagusiak irabazita (Gipuzkoa,Euskal-Herria,Elitea, Etxarri Aranaz eta GRABNI ) esan dio agur. Oso denboraldi bikaina osatu du 46 urterekin.

Hala ere, Maider segituko du Gipuzkoako federazioarentzako teknikari lanak egiten.

V.Larruzko Paletako Bizkaia Torneoko finala

 Maiatzak 5ean jokatu zen arratsaldean finala. 

Txapeldunak, Uxue Murillo eta Miriam Arrillaga. Bigarrenak Amaia Irazustabarena eta Paula Gorostiaga.

Hirugarren seta jokatu behar izan zuten. aurrenekoan urdinak oso errz eta azkar irabazi zuten; bigarrenean berriz gorriek eta hirugarren setean lortu zuten garaipena urdinek.

V.Paleta Larruzko Bizkaia txapelketa

 

Goi mailako zortzi palistek Emakumezkoen Larruzko Pilotako V. Bizkaia Paleta Txapelketa jokatuko dute apirilaren 14tik maiatzaren 5era Bizkaia Frontoian.

Atzelariak: Arrillaga, Erasun, Gorostiaga, Zulaika

Aurrelariak: Amaia Irazustabarrena, Galdos, Murillo, Saez.

Hernani taldea Udaberriko txapeldunak nagusietan

 

 Apirilak batean jokatu ziran Ikaztegietan Udaberri txapelketako finalak.

Ekhine Balerdi eta Ainhoa Urien nagusi mailan Udaberriko txapeldunak dira Intxurre taldeari irabazita.

Partidua oso oso berdindua zijoan baina hernaniarrak beti atzetik. 18-18 zihoaztela Intxurreko Ane aurrelariak min hartu zuen eta partidua horrela geratu zan. Hala ere, bein partidua hasita, erabaki zan bukaeraraino jokatzea lagunartekoa jokatuz  Intxurreko beste jokalaria den Maddi animatu zan eta hortik aurrera partidu ona ikusteko aukera izan genuen. 27 raino berdintzea lortu zuten baina Intxurrekoak 29raino iritsi ziran. Hernaniarrak 28. lortu eta 29 ra berdinduta azkeneko tantoa ikusgarria izan zan: Intxurreko aurrelariak bi paretekoa bota zuen, denak pentsatzen genuen partidua hor amaituko zala eta Ainhoa Urienek sekulako espriñarekin pilotari ematea lortu zuen tantoa berak lortuz. denok aho zabalik utzi gintuen tantoak.
 

GRABNIn parte hartzeko Gipuzkoako selekzioa

 

Aste buru honetan hasiko da GRABNI Txapelketa. Selekzioen txapelketa izaten da; Gipuzkoa, Errioxa, Araba, Bizkaia, Nafarroa eta Iparraldeko lurraldeak parte hartzen dute.

Hernaniko zortzi pilotari izan dira hautatuak: Ane Kerejeta, Irati Miner, Enara Macicior, Amaia Irazustabarrena, Maider Huizi, Maddi Iriondo, Joana Tolaretxipi, Miren Goikoetxea.

Egitaraua:

DATA	ETXEKOA-Kanpokoa
Martxoak 19 :	Iparralde-GIPUZKOA
Martxoak 26 :	GIPUZKOA-Araba
Apirilak 2:	Errioxa-GIPUZKOA
Apirilak 16 :	GIPUZKOA-Nafarroa
Apirilak 23 :	Bizkaia-GIPUZKOA
Apirilak 30 :	FINALERDIAK
Maiatzak 7 :	FINALAK:Araban

2023 EH Irekiko eta Eliteko finalak Mallabian

 Larunbatean, martxoaren 11ean jokatu ziren Euskal Herria Irekiko eta Eliteko finalak Mallabian.

2. mailan, Hernaniar gazteek hutsik egin gabe, partidu serio eta ona jokatu ondoren Gure Pilota taldeari merezimendu osoz irabazi zien.Txapelketa bikaina jokatu dute, larunbatero larunbatero koxka bat igoz beraien mailan.

Elite mailan Irazustabarrena-Mendizabal 30-26 Murillo-Galdos irabazi zuten baina partidu osoa bi tantogatik atzetik, berdindu, atzetik....18 . tantuan lortu zuten aurretik joatea baina partidu leiatua izan zen. Azkenean esperientziak irabazi zuen, lasaiago ibili ziran Maider eta Amaia amaieran.

Txapelketa honetan Maider Mendizabalek agur esan zion bere pilotari ibilbideari.

2.mailako finala ikusgai: Facebokeen 

Eliteko finala ikusgai: EITB Kirolak

2023 EH Kluben arteko txapelketaren Finalak

 

2023ko Urtarrilaren 28an
HERNANI B	20	19	OLARRETA(Larrabetzu)
HERNANI A	20	11	TXULOBI
FINALERDIA
LARRAUN(Lekunberri)	15	8	HERNANI B
FINALERDIA
JOKO ALAI(Zeanuri)	6	15	HERNANI A
GAZTE MAILAKO 3. 4.
HERNANI B	15	11	JOKO ALAI
GAZTE MAILAKO FINALA
LARRAUN	07	15	HERNANI A
NAGUSI MAILAKO FINALA
SUBERRI(Anoeta)	30	20	HERNANI

Euskal Herriko kluben arteko txapelketa

 Asteburu honetan hasi da EH Kluben arteko txapelketa. Hiru astetan jokatuko da txapelketa. Finalak urtarrilaren 28an Gasteizen jokatuko dira.

Hasera honetan Hernaniarrak bikain aritu dira.

 

2023ko Urtarrilaren 14an
NAGUSI mailako Finalerdiak OROZKON
OROZKO A	27	30	HERNANI
GAZTE mailako 1.Jardunaldia HERNANIN

1. jardunaldia GAZTE MAILAN
OLARRETA P. E.	GURE PILOTA	20-06	Final ¼
HERNANI B	TXULOBI	20-10	Final ¼
JOKO ALAI	LARRAUN	09-20	Final ¼
OLARRETA P. E.	HERNANI B	10-15	Final ½
HERNANI A	LARRAUN	15-06	Final ½
OLARRETA P. E.	LARRAUN	09-15	3. eta 4.
HERNANI A	HERNANI B	15-09	FINALA

 

Udaberriko txapelketa

20223ko Urtarrilaren 15an
HERNANI	25	14	ZUMAIA

Iriondo eta Miner Gipuzkoako azpitxapeldunak jubenil mailan

 Ezin txapela jantzi Maddi Iriondok eta Irati Minerrek, oso final estuan

 Abenduaren 3an jokatutako partidan, Hernaniarrek 29-30 galdu zuten, Txulobiko Aranbururen eta Navarroren kontra, jubenilen finalean.

Ezin estuagoa eta ezin lehiatuagoa izan zen Gipuzkoako Txapelketaren finala, neska jubeniletan, larunbat arratsaldean. Eta lehia bizi horretan, markagailuak 29nako berdinketa islatzen zuela, txapa bera joan zitzaion pelota Irati Minerri. Horrekin, ihes egin zien txapelak berari eta Maddi Iriondori, eta ezin izan zuten borobildu, jokatu duten txapelketa bikaina.

Txulobiko Aranburu eta Navarro nagusitu ziren (29-30) azkenean, baina meritu haundiko partidua jokatu zuten Minerrek eta Iriondok, egoera zailean, taldekide eta lagun baten aita hil zela eta. Berari eta bere familiari eskaini nahi zioten txapela hernaniarrek.

Etxarri Aranatzeko 2022.Finalak

Giro ezin hobea Gure Pilota elkarteak antolatutako 18.paleta goma txapelketaren finaletan. Frontoia jendez beteta eta izugarrizko animazioa. Txapelketa honetan maila guztietako neskek hartu dute parte.

1.mailako finala oso ona izan da, ia akatsik gabeko partidua, tantoi ikusgarriak burutu dute laurak.

Eliteko partidua berriz 9-19 ko emaitza irauli dute Urdinek. Azkenean, Maider Mendizabalen esperientziari esker, partidua irabaztea lortu dute. 

Maider Mendizabalaren azkeneko partaidetza izan da aurtengoa, urte guzti hauetan eduki dugu final gehienetan eta azkenean txapelakin amaitu du. Ohorezko aurreskua eta hainbat oparitxo eskeini die Gure Pilotako kideek. Zorionak eman behar diogu Gure Pilota elkarteari urtez urte txapelketa hau aurrera eramateko egiten duen ahaleginagatik.

2022ko Abenduaren 24an
1.maila
ENARA MACICIOR,Naroa Otxoa25	25	15	Nahia Eizmendi,Lusarreta
Elite maila
Uxue Murilo,Paula Gorostiaga	24	25	Haizea Salanueva,Maider Mendizabal

2022. Abenduan kronika.eus- etik jasota:

Partidu haundia jokatuta, Sakanako Txapelketa irabazi du Enara Maciciorrek, Naroa Otxoarekin

Hernaniarrak eta etxarri aranaztarrak 25-15 irabazi zuten final ikusgarria, Eizmendiren eta Lusarretaren kontra, joan den larunbatean.

Txapelketa ofizialen etena aprobetxatuz, Sakanako Txapelketan aritu dira Enara Macicior eta Ane Kerejeta palista hernaniarrak. Eta urtea ezin hobeto bukatzeko baliatu du aurrenekoak: txapelarekin bueltatu da Macicior, Naroa Otxoa etxarri aranaztarrarekin nagusituta.

Joan den larunbatean jokatu zituzten txapelketako finalak, Etxarri Aranatzen. Lehenengo mailako finala jokatu zuten Maciciorrek eta Otxoak, Nahia Eizmendiren eta Andrea Lusarretaren kontra. Ikusgarria izan zen partidua, eta maila ederrean aritu ziren lau finalistak, oso serio aritu eta sekulako tantoak jokatuta. Baina, denen artean, bereziki nabarmendu zen hernaniarra: tanto ikaragarriak lortu zituen berak. Azkenean, 25-15 nagusitu ziren Macicior eta Otxoa, markagailuak erakusten duena baino partidu ederragoan.

Horrela, txapelketa bikaina borobildu zuten Maciciorrek eta Otxoak. Ligaxkan, bere multzoko lider bukatu zuten, bi partiduak irabazita. Eta semifinaletan, Ane Kerejeta eta Leire Artazkoz menderatu zituzten (25-18), finalerako txartela lortzeko.

Larunbatekoa izan zen, gainera, Maider Mendizabal anoetarraren azkeneko partidua Sakanako Txapelketan, eta txapelarekin esan zion agur: 24-25 irabazi zuen eliteko finala, Haizea Salanuevarekin, Uxue Murilloren eta Paula Gorostiagaren kontra. Bukaeran, omenaldia egin zioten palistek eta Gure Pilota elkarteak.

 

 

Etxarri Aranatzeko finalerdiak

 Gure Pilota elkarteak 2004. urteaz geroztik antolatzen du emakumezkoen paleta txapelketa maila txiki txikienatik elite mailaraino; hau da txitoak, tximeletak, kattagorriak, usoak, pottokak, 1.maila eta elite maila.

2022ko Abenduaren 18an
1.maila
L.Artazkoz, ANE KEREJETA	18	25	ENARA MACICIOR, N.Otxoa
Elite maila
Zulaika,Ardanaz	18	25	Murillo,Gorostiaga

1.mailako partidua oso orekatua izan da, edozeinek irabazi zezakeen;bai bikote batek, zein besteak 4 punturen aldeko abantaila edukitzea lortu dute partiduan zehar.

 

Etxarri Aranazeko txapelketan hernaniarrak aurrera

 

Atzoko garaipenarekin Enara Macicior eta Naroa Otxoa(Etxarri-Aranaz)ligaxkako sailkapenean aurreneko postua lortu dute. Hori horrela finalerdiak jokatzeko sailkatu dira.

Ane Kereketa eta Leire Artarkoz(Soraure-NA)ek gaurko partidua 23-25 galdu dute eta taldeko bigarren postuan sailkatu dira. Hauek ere finalerdia jokatuko dute datorren astean.

Finalerdian bi hernaniarrek topo egingo dute; hortaz, hernaiarren bat finalean izango dugu.

Gipuzkoako alebinen topaketa

Gipuzkoako Euskal Pilota Federazioak (GEPE) antolatuta, gaur Gipuzkoako benjaminak eta alebinak Amasan bildu dira. Arratsalde zoragarria pasatu dute etorkizuneko palistek.

Hernaniko sei neska-mutilek bertan parte hartu dute.