Tijero eta Macicior hirugarren Zarautzen

Semifinala galdu izanaren penari,buelta eman zioten asteazkenean Garbiñe Tijero eta Enara Macicior hernaniarrek, Frontoi Txikiko Txapelketan; eta ondo bukatu dute torneoa: 22-­18 irabazi zuten hirugarren posturako partidua, Amaia Aizpuru azkoitiarraren eta Idoia Arrillaga debarraren kontra.

Partidu luzea izan zen hori ere, ordubete ingurukoa; baina oso maila onean aritu ziren bi hernaniarrak. Gogorra izan zen hasiera, eta askotan izan ziren markagailuan berdinduta eta atzetik ere. Baina ondoren, pare bat tantoren aldea hartu zuten hernaniarrek, eta horri eutsi zion bukaerara arte, partidua irabazteko. 

Erlo Telebistak grabatu zuen egun horretako bi partiduak: Emakumezkoen Frontoi Txikiko 13. txapelketa

ARGAZKIAK: Luis Epelde

3. eta 4. posturako partidua ikusteko HEMEN

Finalaren atarian geratu dira Garbiñe Tijero eta Enara Macicior, Zarautzen

 

Frontoi Txikiko Txapelketan, hirugarren posturako partidua jokatuko dute hernaniarrek gaur, semifinala 29-30 galdu ondoren.

Urteroko txapelketa klasiko bat ari dira jokatzen palista hernaniarrak, egun hauetan: Frontoi Txikiko Txapelketa. Baina osasun egoeragatik, Frontoi Txikin beharrean, Aritzbatalde fronto­ian ari dira jokatzen oraingoan, bosgarren koadrotik aurrera.

Astelehenean jokatu zituzten semifinalak, eta protagonisten artean izan ziren Garbiñe Tijero eta Enara Macicior. Oso gogorra izan zen beraiena, iazko txapeldunen kontra; eta azkeneko tantoan nagusitu zitzaizkien Ainhoa Lakuntza eta Irati Tolosa zarauztarrak (29-30). Ordu eta erdiko iraupena izan zuen.

Atzelariek egin behar izan zuten lan gehien, eta horretan, primeran eutsi zion Macicior gazteak. Hernaniarrek izan zuten erasorako iniziatiba, baina sekulako defentsa erakutsi zuten zarauztarrek, eta izugarri luzatu ziren tantoak. Edonola ere, bi-hiru tantoren aldearekin aritu ziren hernaniarrak, 22-20 jarri ziren arte. Horrekin, partidua irabazita zeukatela zirudien, markagailuak hala zioelako, 22ra zela, aurreko faseko partiduak bezala; baina oker zegoen hura: 30era zen semifinala.

«Psikologikoki kolpe gogorra izan da hori, baina eutsi diogu, eta aurretik izan gara 25garren tantora arte», kontatu zuen Tijerok. Orduan lortu zuten partidua berdintzea zarauztarrek, eta 28-29 aurreratu ziren. Txokoan labur egindako bi pareta batekin berdindu zuen markagailua Tijerok, baina azkeneko tantoan, goiko txapara joan zitzaion pelota bat Maciciorri.

«Pena da, sekulako partidua jokatu duelako Enarak. Inoizko partidurik onena jokatu du, atzean oso ondo eutsita. Zeresana emango du laster», zioen Tijerok, partiduaren bukaeran.

Gaur jokatuko dute hirugarren posturako partidua, arratsaldeko 18:30etan, Amaia Aizpuru azkoitiarraren eta Idoia Arrillaga debarraren kontra.

Hernaniarrak garaile Zarautzeko Frontoi txikiko pala txapelketan

Uztailaren 9an ekin zioten Emakumezkoen Frontoi Txikiko XI. Paleta Txapelketari, eta ostegun arratsaldean amaitu zuten hiru lehia ezberdinekin: esku pilota partida berezi bat, hirugarren eta laugarren postuak erabakitzeko partida eta finala.
Jende andana bildu zen Frontoi Txikin emakumezkoen pilota eta paleta partiduez gozatzeko. Lehen partidan, esku pilotakoan, Zubizarreta eta Barroka bergararrak nagusitu ziren Agirre eta Zubizarretaren aurka, 18 eta 13, eta jarraian, zarauztarrek ezin izan zuten Paleta Txapelketako hirugarren postua eskuratu; Paredes eta Echavek 22 eta 30 galdu zuten Iraola eta Manterolaren kontra. Ondoren, finalean, Alaitz Tejedorrek jokatu behar izan zuen Idoia bere amaren partez, Maitane Sarobe bikotearekin. Aldaketa ongi etorri zitzaien antza, erraz irabazi zuten-eta: 30 eta 14, Arzallus eta Aizpururen aurka.

UROLA KOSTA.HITZA tik jasotako berria.

ERLO telebistan finaleko bideoa
Partiduen bideoak: Uztailak 9 eta 11 eta Semifinalak(16) ta Finala(18)

	Aspaldikoak

Zarautzen frontoi txikiko X.Txapelketan 3.ak hernaniarrak

Sei emakume hernaniarrak aritu dira Zarautzeko Frontoi txikiko txapelketan.
Erlo Telebistan bi partidu ikusgai

Txapeldunak:Miren,Itsaso	Azpitxapeldunak: Nahia,Garazi
	Hirugarrenak

Ekiñe eta Garazi Zarautzeko frontoi txikiko txapelketan 3.ak izan dira. Partidua oso luzea joan zan baina azkenean 30-27 irabazi zieten Mirian Arrillaga eta Miren Alkaideri.
Guztira zortzi bikote aritu dira lehian eta oso nabarmena da federatutan ari direnen maila ona nahiz eta frontoi txiki horretan jokatzeak abilidade handiak  edukitzea eskatzen duen.
Argazki gehiago FRONTOI-TXIKI 2018.  eta 2017-18ko BILDUMAn
Partidu zatitxoak BIDEOETAN.
Finaletan Ane Peñagarikano bertsotan 

Zarautzeko Frontoi Txikiko Finalak

Garaileak Zizurkilgo J.San Sebastian eta I.Erasun. Bigarrenak Aiako J.Aldai eta G.Eizmendi.

 Luis Epelde Aramendiren ARGAZKIAK 2016-07-28koak(FINALA, 3.eta 4.)
 Luis Epelde Aramendiren ARGAZKIAK 2016-07-26koak
Maite Redondok ateratako ARGAZKIAK
Maite Redondok ateratako BIDEOAK

Harnaniarrak Zarautzen

Zarautz-Txiki pilotalekuan urtero jokatzen da udaran teniseko pilotakin txapelketa. Aurten hernaniko hiru bikoteak ari dira parte hartzen