EmP Lezoko jarduna eta sailkapena 2.mailan

Zubia dala eta ez dago jardunaldurik emakumezkoentzat.

Emakumea Pilotari facebook etik jasotako kronika:

Larunbatean Lezon jokaturiko partidetan ezaugarri komuna egin zuen ikaragarrizko hotza izan zen. Partida bat baino gehiagotan pilota berotzen ere nahiko la izan zuten pilotariek. 2. mailako partidetan gogorrena arratsaldeko azkena izan zen, bertan Tijero eta Errastik ozta-ozta lortu zuten garaipena Indo eta Lucasen aurka eta ondorioz finalerdietarako sailkatzeko urrats garrantzitsua eman zuten. Etxegia eta Perezek ere aurreikuspenak betez espero baino errazago bereganatu zituzten Jauregi eta Arriola. Bi hauek ez zuten oso partida ona jokatu eta ondorioz orain arteko partidetan erakutsitako maila ez zuten eman. Hasieratik markagailuan atzean geratu ziren eta Etxegia eta Perezek ez zuten lan gogorra izan 30era iristen. Arruti eta Beldarrainek berriz zuzeneko arerioak zituzten Redondo eta Labaka mendean hartu ondoren, finalerdietarako txartelaa lortzeko pauso garrantzitsua eman zuten, sailkapen orokorrean laugarren postutik hirugarrenera pasatuz. Redondo eta Labakaren kasua berriz alderantzizkoa izan zen. Laugarren postura jeitsi dira eta ondorioz finalerdietarako txartela lortu nahi badute derrigorrez azken jardunaldiko partida irabazi beharko dute eta ondoren sortu litezkeen berdinketen erresoluzioaren zain geratu. Azken jardunaldia beraz oso interesgarria izango da eta emozioz betea, ematen diren emaitzen ondorioz berdinketa ugari egon bailitezke sailkapen orokorrean. Gogoratu lehenengo bikote sailkatuak zuzenean finalerako txartela lortuko duela eta bigarren eta hirugarrenak finalerdia jokatu beharko dutela. Dena puri-purian dago beraz (azpian orain arteko sailkapena).