Larunbatean Atanon emakumezkoen Gipuzkoako txapelketaren finalak

ARIANE

AMAIA

Larunbat honetan (2015-10-31) izango dira ikusgai Ezker Hormako Elkarteen Arteko Gipuzkoako Txapelketako gomazko paleta neska nagusien finalak, 17:00etan, Donostiako Atano III.ean. Hona hemen jaialdia:

Urriak 31, larunbata, 17:00, Donostia-Atano III.a

1. Gomazko paleta neska nagusiak, 2. maila: AIA (J.Aldai-G.Eizmendi) / ZIOTZA (J.San Sebastian-I.Erasun)
2. Gomazko paleta neska nagusiak, 1. maila: HERNANI (Amaia Araiztegi-Ariane Arrieta) / SU-BERRI 1 (A.Maiza-A.Garmendia)


1. mailan, 4 talde aritu dira, multzo bakarrean. 1. sailkatuak, Hernanik, finalerako zuzeneko txartela lortu du. Eta bigarren eta hirugarren sailkatuek, Su-Berri 2k eta Su-Berri 1ek, finalerdia jokatu behar izan dute: Su-Berri 1ek (A.Maiza-A.Garmendia) 17-30 irabazi zion Su-Berri 2ri (I.Otaegi-M.Mendizabal).

2. mailan, berriz, 8 taldek hartu dute parte, 4 A multzoan eta 4 B multzoan. Multzo bakoitzeko 1. eta 2. sailkatuek, elkarren artean gurutzatuta (A1 vs B2 eta B1 vs A2), finalerdiak jokatu zituzten joan den jardunaldian: Ziotza 2k (J.San Sebastian-I.Erasun) 30-14 irabazi zion Ziotza 1 taldeari (O.Zubeldia-M.Arrillaga); eta Aiak (J.Aldai-G.Eizmendi) 30-9 hartu zuen mendean Su-Berri (I.Gutierrez-L.Gabirondo).