Xabier Salillas ultrafondoko korrikalari hernaniarrak 700 kilometro
egingo ditu korrika Hernani Wukrorekin ONG-GKEaren alde. Bihartik hasi
eta igandera bitarte, zazpi egunez egingo du korrika Sagastialdeko
atletismo pistan. Egunero, 100km egingo ditu.
Salillas ez da bakarrik arituko, Hernaniko talde ezberdinen eta zenbait
norbanakoren laguntza ere izango du, tarte batzutan berarekin korrika
egiteko animatu baitira.
Pala taldea ostiralean arratsaldeko lauretan arituko da.
Hernaniko talde ugari eta pertsonaia ezagunak
Hernaniko talde ugarik eman dute izena dagoeneko:
erremontista taldea (Endika Barrenetxea hernaniarra tartean dela),
Musika Eskolako kideak, emakume korrikalariak, Udal gobernu taldea,
Mendiriz Mendi, Kronika eta Dobera...
Horiez gain, pertsonaia ezagunak ere izango dira: Porrotx eta Mari
Motots, Oscar Terol, Cabestany...
