Asteburu borobila Hernaniko palistena

Amaia Irazustabarrenak bi txapel lortu ditu asteburuan eta Leire Galdosekin Bizkaia Torneo entzutetsua irabazi du

Aurrelari hernaniarrak laugarren txapela eskuratu du Bizkaia frontoian eta Gipuzkoako Trinketeko txapela ere irabazi du, 30-26, Miren Goikoetxearekin, Izaskun Arrosagaray eta Ane Kerejeta taldekideen aurka.

Amaia Irazustabarrenak hiru txapelketetako finalak jokatu ditu asteburuan, eta horietako bietan txapela eskuratu du. Larruzko Paletan Bizkaia Torneoko txapela eskuratu zuen laugarren aldiz. Leire Galdos taldekide oiartzuarrarekin batera, 2-1 lortu zuten garaipena Nagore Martin arabarra eta Gorostiaga nafarraren kontra. Lehenengo seta 12-10 irabazi zuten gorriek, bigarren seta urdinen alde izan zen 7-12, eta joko erabakigarrian Irazustabarrenak eta Galdosek lortu zuten garaipena, 12-9.  

Leire Galdosentzat Bizkaia Torneoko lehenengo txapela da eta lau palistetatik onena izan zen, batez ere azken jokoan. 

Bizkaia Torneoko finala eguerdian jokatu zen eta hortik bost ordutara asteburuko bigarren txapela irabazi zuen. Irurako trinketean, Miren Goikoetxearekin batera, 30-26 lortu zuten garaipena Izaskun Arrosagaray eta Ane Kerejetaren kontra, Gipuzkoako Trinkete txapelketan. Hernaniko bi taldeek jokatu zuten finala Iruran.

Grabni txapelketan txapelak ihes, Nafarroaren kontra

Asteburuko lehenengo finala, ordea, galdu egin zuen Irazustabarrenak Grabni txapelketan. Gasteizko Mendizorrotza frontoian Nafarroaren aurka jokatu zuten finala Irazustabarrenak eta Garazi Eizmendik, eta 30-21 galdu zuten Gipuzkoako ordezkariek. Beraz, senior nesketan, paleta gomaz, Nafarroak lortu zuen txapela Espinal eta Ardanaz bikotearekin.

Bizkaia torneoko finalerako pilota aukeraketa

 

Gaur Miribillako pilotalekura joan dira pilotariak igandean finalean erabili beharreko pilotak aukeratzera .

GRABNIKO txapelketan finalerdiak

 Aste buru hontan jokatu dira GRABNI (Gipuzkoa,Errioxa,araba,Bizkaia,Iparralde) lurraldeen arteko txapelketako partidak.

Amaia Irazustabarrena eta Garazi Eizmendi (Hernani klubeko pilotariak) gaur  Iruñean azkenean, ligan 18 puntura egotearen zoritxarra gainditu dute. Arabako taldeari 30-22 irabazi dio gaur, eta horrek erakusten du beraien erabakitasuna eta trebetasun hobetuak. Garaipen honi esker datorren larunbatean maiatzaren 4ean Gasteizen jokatuko dute finala Nafarroako taldearen aurka. 

Zorionak taldeari garaipen ikusgarri honengatik! Hauen entrenatzailea den Maider Mendizabali ere.

Bizkaia torneoan ligako azken jardunaldia

 Erabakita geratu da Maiatzaren 5ean jokatuko den finala.

Apirilak 26ean jokatutako bi partiduak 3 jokuetara jokatu behar izan ziran. Joku bakoitza 12 tantora jokatzen da. Hala ere, gorriz jokatu zutenak sailkatu dira finalerako.

2024ko Apirilaren26an.  BIZKAIA FRONTOIAN
AMAIA RAZUSTABARRENA-LEIRE GALDOS	2	1	Saez-etxaniz
Martin-Gorostiaga	2	1	Salanueva-Ardanaz

Bizkaia torneoa paleta larruz

 

Aurkezpena EITBn

Emakumezkoen Larruzko Pilotako VI Bizkaia Paleta Txapelketa

Lau bikotek jokatuko dute VI. Bizkaia Larruzko Paleta Txapelketa: Amaia Irazustabarrenak eta Leire Galdosek; Haizea Salanuevak eta Maider Ardanazek; Nagore Martinek eta Paula Gorostiagak; eta, azkenik, Naroa Saezek eta Leire Etxanizek.

Txapelketa apirilaren 12an hasiko da 18:30etan eta Bizkaia Frontoian burutuko da. Alde batetik, Irazustabarrena eta Galdos, Salanueva eta Ardanazen aurka; eta, bestetik, N. Martin eta Gorostiaga, Saez-Etxanizen aurka.

Torneoak apirilaren 19an eta 26an jarraituko du, baita 18:30etan ere, eta finala maiatzaren 5ean jokatuko da, 12:00etan.

Seigarren Emakumezkoen Larruzko Pilotako Bizkaia Paleta Torneoak palistei euren mutilen aukera berdinak eskaini nahi dizkie.

Irazustabarrena-Galdos 2 - 0 Salanueva-Ardanaz.   Martin-Gorostiaga 2-0 Saez-Etxaniz

 Saez-Etxaniz 0 - 2 Salanueva-Ardanaz. Irazustabarrena-Galdos 0-2 Martin-Gorostiaga

Trinketean Gipuzkoako ligila amaituta

 Joan den ostegunean amaitu zen Nagusi mailan trinketeko ligila.

Kerejeta-Arrosagaray 21-30 Irazustabarrena-Goikoetxea.

Jardunaldia 1
2024/03/22	21:00	IRURA - Ametsa-Trinketa	HERNANI 1 GALDOS, L. MACICIOR, E.	30 - 27	HERNANI 3 GOIKOETXEA, M. IRAZUSTABARRENA, A.
2024/03/24	-	-	Atsedena	-	HERNANI 2
Jardunaldia 2
2024/04/13	10:00	IRURA - Ametsa-Trinketa	HERNANI 2 ARROSAGARAY, I. QUEREJETA, A.	30 - 24	HERNANI 1 GALDOS, L. MACICIOR, E.
2024/04/14	-	-	Atsedena	-	HERNANI 3
Jardunaldia 3
2024/04/18	21:00	IRURA - Ametsa-Trinketa	HERNANI 3 GOIKOETXEA, M. IRAZUSTABARRENA, A.	30 - 21	HERNANI 2 ARROSAGARAY, I. QUEREJETA, A.
2024/04/21	-	-	HERNANI 1	-	Atsedena

Berdinketa hirukoitza gertatu da. Baina puntuaketaren arabera sailkapena honela geratu da:

Sailkapena P J I G EA A K 1 HERNANI 3   3 2 1 1 0 57 51 2 HERNANI 2   3 2 1 1 0 51 54 3 HERNANI 1   3 2 1 1 0 54 57

Hernaniarrak euskal selekzioarekin San Franciscon

 2022-23 denboraldian eliteko txapelketan lortutako sailkapenari esker, aurten San Franciscora joateko aukera izan dute Amaia Irazusta barrena eta Maider Huizi hernaniarrak, Leire Galdos oiartzuarra eta Maider Mendizabal anoetarrarekin batera gomazko paletan. Kaliforniako Euskal Jaia txapelketa jokatzen aritu dira. Urtero San Franciscora bidaia egiten du Euskal Selekzioak. Pilotariak aukeratzeko garaian, rankinga edo merituak hartzen dituzte kontuan. Hamar egun pasa zituzten Ameriketan, otsailaren 14tik aurrera.

EH IREKIKO eta ELITEKO partiduak Hernanin

 Arratsalde zoragarria atzo arratsaldean igarotakoa(2024-02-16) Hernaniko kiroldegiko pilotalekuan. Ordu asko baina , asko gozatuz sekulako partiduak ikusi baitziran. Bost ordu terdi luzeko jaialdia jokatu zan. Euskal Herria Irekkiko lau partidu eta azkenekoa, zoragarria Elitekoa. Partidu oso orekatua, mugimendu handikoa, huts egite gabe eta looratutako tantu asko ikusteko aukera izan genuen. Pena, grabatuta ez geratu izana.

Alegin Gabonetako txapelketa

 Lau hernaniarrak lau kideekin jokatu dute txapelketa. Finalean aurrez aurre Kerejeta eta Mazizior.

Finaleko partidua oso berdindua izan zen; batzuta gorriak aurretik, berdinketak ,bestetan urdinak. Gozatzeko moduko partidu ikusgarria jokatu zuten lau pilotariek.

2023ko Abenduaren 29an
MACICIOR-Murua	25	22	Balerdi-KEREJETA

Etxarri Aranatzen Sakana txapelketako finalak

 Azaroan hasi zen txapelketa eta Abenduaren 23an jokatu ziren finalak.

Arrakasta handiko txapelketa izan da , 68 pilotarik hartu dute parte aurten; pottokak, usoak, tximeletak, kattagorriak , 1.maila eta elite mailetan hain zuzen ere.

2004. urteaz geroztik Hernaniko pilotariren batek jokatzen du hutsik egin gabe; aurten 1.mailan 3 aritu dira (Tolaretxipi, Kerejeta eta Mazizior) eta elite mailan 4 (Irazustabarrena, Galdos, Eizmendi, Otxoa).

2023ko Abenduaren 23an
1.Mailan
Aizpeolea-Sarasibar	18	25	MACICIOR-Larraza
Elite mailan
GALDOS-Ruiz de Azua	16	25	Murillo-EIZMENDI